Монгол Улсад олон улсын жишгийн дагуу нийтийн хөлбөмбөгийг өргөн цар хүрээнд хөгжүүлэх зорилготой ерөнхий боловсролын сургуулиудын дунд зохион байгуулж буй өсвөрийн хөлбөмбөгийн “Мөрөөдлийн гоол” тэмцээн үргэлжилж байна. Энэхүү тэмцээний охидын U12 насны ангилалд Сүхбаатар дүүргийн 6-р сургуулийн Б.Эрдэнэбаяр багштай, О.Амин-Эрдэнэ ахлагчтай баг алтан медаль, цомын эзэн болжээ. Мөн хөвгүүдийн U14 насны ангилалд Ш.Энх-Амгалан ахлагчтай баг хүрэл медаль авлаа. Тэмцээнд амжилттай оролцсон охид, хөвгүүддээ баяр хүргэе.
