Сүхбаатар дүүргийн Засаг даргын Тамгын газар Боловсролын хэлтэс, дүүргийн Эрүүл мэндийн төвтэй хамтран “Эрүүл зүрх” хөтөлбөр хэрэгжихтэй холбогдуулан ӨЭМТ болон сургуулийн эмч нарт мэдээлэл өгөх сургалтыг зохион байгууллаа.
Монгол Улсын Ерөнхийлөгчийн санаачлагаар хэрэгжиж буй “Эрүүл Монгол хүн” хөдөлгөөний хүрээнд хэрэгжих “Эрүүл зүрх” хөтөлбөр нь энэ удаа ерөнхий боловсролын сургуулийн 1 дүгээр ангийн сурагчдын дунд зүрхний эмгэгийг эрт илрүүлэх үзлэгийг зохион байгуулах юм.
Үзлэгээр дүүргийн төрийн 26, хувийн хэвшлийн 25 сургуулийн 4108 хүүхдийг хамруулан зүрхний цахилгаан бичлэг хийж, зүрхний нарийн мэргэжлийн эмчид үзүүлэн, илэрсэн эмгэгийг дараагийн шатлалын эмнэлэгт илгээж, эмчилнэ.
