Нийслэлийн Онцгой байдлын газар:
✨Монгол цэргийн өдөр, Орчин цагийн Зэвсэгт хүчин үүсэж хөгжсөн 103 жилийн ойн баяраар Зэвсэгт хүчний Жанжин штабын даргын тушаалаар Онцгой байдлын байгууллагаас хоёр хурандаа цолтон төрлөө.
✨Орчин цагийн Онцгой байдлын байгууллага нэгдсэн тогтолцоонд шилжсэний 20 жилийн ой, Монгол Улсын Ерөнхийлөгч 2024 оныг “Ахлагчийн жил” болгон зарласантай холбогдуулан алба хаагчдадаа урам зориг өгөх, утга зохиол, урлаг соёлын гоо зүй, ач холбогдлыг сурталчлах, эерэг хандлага бүтээх зорилгоор “Гүмүда” яруу найргийн үдэшлэгийг НОБГ-аас амжилттай зохион байгуулав.
✨Нийслэлийн Засаг даргын 2024 оны “Гамшгаас хамгаалах бэлэн байдлын үзлэг, удирдах бүрэлдэхүүний сургалт зохион байгуулах тухай ажлын хүрээнд нийслэлийн Газар зохион байгуулалтын албанд гамшгаас хамгаалах мэдлэг олгох танхимын сургалтыг зохион байгууллаа.
✨Тус газраас алба хаагчдад усанд сэлэлт, эрэн хайх, аврах ажиллагааны анхан шатны мэдлэг, дадлага олгох ээлжит сургалтыг эхлүүллээ.
✨Нийслэл дүүргийн удирдах бүрэлдэхүүн болон Баянзүрх, Баянгол, Налайх дүүргийн Онцгой байдлын хэлтсийн алба хаагчдад “Стресс гэж юу вэ? Стрессээс гарах арга зам” сэдвээр сэтгэл зүйч, ахмад Ц.Энхтуяа сургалт зохион байгууллаа.
✨“Нэг хот нэг гэр бүл” уриалга, “Шар усны үерээс урьдчилан сэргийлж, урьтаж хамгаалъя” нөлөөллийн аяны хүрээнд хөдөлгөөнт ухуулга сурталчилгааг НОБГ-ын бүтцийн нэгжүүд нийт 40 хороодод зохион байгуулж, 16866 айл өрхөд, шар усны үерээс урьдчилан сэргийлэх сэрэмжлүүлэг мэдээлэл хүргэлээ.
Хан-Уул дүүргийн Онцгой байдлын хэлтэс:
✨Тус хэлтсээс Гамшгаас хамгаалах сургалт арга зүйн төвтэй хамтран алба хаагчдын гэр бүлд Онцгой байдлын албаны онцлог болон тус төвийн сургалтын танхимуудыг танилцуулан мэдлэг мэдээллийг хүргэлээ.
Сүхбаатар дүүргийн Онцгой байдлын хэлтэс:
✨Бие бүрэлдэхүүний сургалт, мэдээллийн цагаар алба хаагчдад дүүргийн Нийгмийн даатгалын газраас “Цэргийн алба хаагчийн тэтгэвэр, тэтгэмжийн тухай хууль”, “Мандам” өрхийн эрүүл мэндийн төвөөс сургалт зохион байгуулж, эрүүл мэндийн үзлэгт харууллаа.
Баянгол дүүргийн Онцгой байдлын хэлтэс
Баянзүрх дүүргийн Онцгой байдлын хэлтэс
Багануур дүүргийн Онцгой байдлын хэлтэс
Онцгой Байдлын Хэлтэс Багахангай
ХУД-ийн Онцгой байдлын хэлтэс
Сүхбаатар дүүргийн Онцгой байдлын хэлтэс
Налайх дүүргийн Онцгой байдлын хэлтэс
Сонгинохайрхан дүүргийн Онцгой байдлын хэлтэс
Чингэлтэй дүүргийн Онцгой байдлын хэлтэс
