Улсын Онцгой комиссын Шуурхай штабын даргын баталсан удирдамжийн дагуу ОБЕГ-ын Дэд бүтэц, газар хөдлөлтийн тасгийн дарга, хурандаа Ж.Дамдинсүрэнгээр ахлуулсан ажлын хэсгийн бүрэлдэхүүн дүүргийн 15, 18, 19, 20 дугаар хороодод үүссэн халиа дошингийн нөхцөл байдалтай танилцлаа. Дүүргийн Засаг даргын тамгын газрын Тохижилт нийтийн аж ахуйн хэлтсийн дарга Т.Эдмон, Онцгой байдлын хэлтсийн орлогч, хошууч Ж.Энхтөр нар дүүргээс авч хэрэгжүүлсэн арга хэмжээ болон цаашид хийж хэрэгжүүлэх ажлын төлөвлөгөө, саналыг уламжлан ажиллав.
