Нийслэлийн Засаг даргын өгсөн үүргийн дагуу Сүхбаатар дүүргийн Засаг даргын Тамгын газраас 1 дүгээр хороо, Натурын гүүрнээс S outlet дэлгүүр хүртэл Сэлбэ гол дагуу үерийн эрсдлээс хамгаалж хийсэн 1.2км орчим шороон түр даланг зөөж, тээвэрлэх, цэвэрлэгээ, ариутгал хийх ажлыг 2 өдөрт бүрэн хийж дуусгалаа. Түр далангийн шороог зөөж тээвэрлэх ажлыг хөдөлгөөний ачаалал буурсан шөнийн цагаар хийсэн бөгөөд нийтдээ 221 рэйс буюу 4100 орчим м3 шороог тээвэрлэв. Далангийн шороог зөөвөрлөх үед орчны тоосжилтыг бууруулахаар усаар мананцар үүсгэн байнга чийгшүүлэлт хийхийн зэрэгцээ цэвэрлэгээний дараа Парисын гудамжны авто болон явган хүний зам, даланг нийт 8 удаа ариутгал халдваргүйтэл хийсэн.
