Сингапур Улсын TopGear автомашины дижитал сэтгүүлийн Ерөнхий редактор Дэвид Күүгийн (David Khoo) Монгол оронд хийсэн аян замын тэмдэглэлийг орчуулан хүргэж байна.
Автомашины хорхойтон Дэвид 2001 оноос автомашины худалдааны салбарт хөл тавьж, пиараас эхлээд бүтээгдэхүүний төлөвлөлт, контент бүтээж буй тэрбээр өдгөө Сингапурын Top Gear сэтгүүлийн Ерөнхий редактораар ажиллаж байна.
Түүний аян замын тэмдэглэлүүд нь энгийн хэв маягаас ялгаатай буюу автомашинуудыг шинэ өнцгөөс харах боломжийг олгосон, маш сонирхолтой байдлаар бичдэг гэдгээрээ алдартай юм.
Бид Монгол Улсын нийслэл Улаанбаатар хот дахь JLR үзэсгэлэнгийн танхимаас хөдөллөө. Биднийг замд гарахад шороон шуурга шуурч, борооны хар үүл үзэгдэх орчныг бүрхсэн юм.
Гэсэн ч энэ нь цуцашгүй дайчин шинж чанартай, ямар ч замд давхих чадвартай Land Rover Defender загварын автомашинаар Говийг хөндлөн гулд (тийм ээ, говь цөлд) дайран өнгөрөх аяллын эхлэлийг бага зэрэг удаашруулсан юм.
